Бахор ҳақида шер

Учиб юрар майин шамоллар,
Елпиб-елпиб анҳор юзини.
Қирғоқларда соябон толлар
Ойна-сувда кўрар ўзини.
Тонг еллари ўйноқлаб секин,
Жийдазорга кириб йўқолар.
Майса ўтлар тебраниб секин,
Орқасидан кузатиб қолар.
Чумчуқларнинг оғзида чўп-хас,
Ин қўйишар тутлар устига.
Кўкни қучган тераклар тинмас,
Оро берар кулранг пўстига.
Бедапоя, ям-яшил ўтлоқ,
Чинорларда қушлар чуғурлар,
Кўклам кўркин кўрдингми, ўртоқ,
Чаманзордек ҳаммаёқ гуллар.
Изоҳлар
0Ҳозирча изоҳ йўқ — биринчи бўлиб фикр билдиринг!