✍️ Sheʼrlar

Baxor haqida sher

36 marta oʻqildi
Baxor haqida sher

Uchib yurar mayin shamollar,
Yelpib-yelpib anhor yuzini.
Qirgʻoqlarda soyabon tollar
Oyna-suvda koʻrar oʻzini.

Tong yellari oʻynoqlab sekin,
Jiydazorga kirib yoʻqolar.
Maysa oʻtlar tebranib sekin,
Orqasidan kuzatib qolar.

Chumchuqlarning ogʻzida choʻp-xas,
In qoʻyishar tutlar ustiga.
Koʻkni quchgan teraklar tinmas,
Oro berar kulrang poʻstiga.

Bedapoya, yam-yashil oʻtloq,
Chinorlarda qushlar chugʻurlar,
Koʻklam koʻrkin koʻrdingmi, oʻrtoq,
Chamanzordek hammayoq gullar.

Telegram

Izohlar

0
Fikringizni qoldiring
Izohlar tekshiruvdan soʻng chiqadi.

Hozircha izoh yoʻq — birinchi boʻlib fikr bildiring!